Page 18 - Lu stranu viaggiu

di chiddu ca tu vidi e nun capisci.
Lu munnu ca lassasti é sula copia
di chiddu ca nta stu mumentu vidi.
Stu postu misu arreri e Tri Canceddi
é lu Jardinu di Delizia Eterna,
unni nasceru Adamu ed Eva insemi,
comu vosi l'Eternu ca non sbagghia.
Cca dintra foru fatti corpu ed arma:
di ddu canceddu non traseru mai,

primi nisceru di l'autru purtuni
pirchì non foru digni di ristari.
D'Adamu i figghi, quannu morti veni,
ritornanu cca dintra senza corpu
pi guardari la Luci Eterna e siddu
perfetti sunu e santi stannu fermi
pì gudiri in eternu 'n soccu vidi;
ma siddu l'opri fatti in terra 'un sunu
comu Diu li cumanna, fannu u bagnu
nta vasca virdi e tornanu di fora
scurdannusi la vita fatta prima

e sta viduta di l'Eternu Lumi,
finu a quannu ritornanu cca dintra
e novamenti si ripeti u fattu.
Stu circulu é perenni finu o puntu
ca l'anima 'un é santa e resta cca.
Chistu é lu munnu di l'Eterna Gioia
unni é perfettu lu campari sempri
guardanu a Diu ca nta lu centru luci.
La vita, ca tu vita chiami, é sulu

lu purgatoriu di l'umanitati,
unni tra peni, stenti e farsi prei
l'anima tenta di turnari a Diu.
Prestu ci torna siddu ascuta tutti
li santi liggi ca u Signuri voli
e ca Cristu, lu figghiu so dilettu,
a tutti v' insignavu cu la Cruci.
Vidi a San Petru ca pi sempri resta
ormai cca dintra pirchì é Santu fattu!?
Iddu nascivu mostru cu tri testi,
poi cani addivintavu e poi Caronti

pag. 15